सीएम-ई-वृत्तसेवा

पंतप्रधान अनुदान प्रकल्पातून नुतनीकरण केलेल्या

इमारतींच्या देखभालीसाठी विशेष तरतूद

रहिवाशांच्या मागणीची मुख्यमंत्र्यांकडून दखल

मुंबई दि. 28 नोव्हेंबर:  केंद्र शासनाच्या पंतप्रधान अनुदान प्रकल्पांतर्गत नागरी नुतनीकरण प्रकल्प योजनेतून बांधण्यात आलेल्या 66 इमारतींच्या  देखभालीकरीता विशेष तरतूद करण्याचा निर्णय शासनाने घेतला आहे.

या ठिकाणचे रहिवासी व स्थानिक लोकप्रतिनिधींनी केलेल्या मागणीची दखल घेत मुख्यमंत्री पृथ्वीराज चव्हाण यांनी यासंदर्भात हा निर्णय  घेतला आहे. यानुसार  राज्य शासनाने आपल्या विशेष अधिकाराचा वापर करून पुढील 5 वर्षाकरीता दरवर्षी 25 कोटी रुपया प्रमाणे अर्थसंकल्पात तरतूद करण्याच्या सुचना म्हाडाला दिल्या आहेत. याद्वारे या इमारतींची दुरुस्ती करण्यात येईल.

00000