जि.प.,पंचायत समिती, तसेच ग्रामपंचायत सदस्यांना
शौचालय वापर प्रमाणपत्र देण्यास वर्षाची मुदत
महाराष्ट्र जिल्हा परिषद व पंचायत समिती अधिनियम 1961 मधील कलम 16 मधील पोटकलम-1 च्या खंड (त) मध्ये तसेच ग्रामपंचायत अधिनियम 1958 मधील कलम 14 च्या पोट कलम 1 मधील खंड (ञ-5) मध्ये नव्वद दिवस या शब्दाऐवजी एक वर्ष हे शब्द समाविष्ट करण्यात आले आहेत. पूर्वीच्या नव्वद दिवसांच्या तरतुदीनुसार ज्यांना अपात्र ठरविण्यात आले आहे. त्यांना अपात्र मानण्यात येऊ नये अशीही तरतूद करण्यात आली आहे. शौचालयाचा वापर करण्याबाबतचे प्रमाणपत्र ग्रामपंचायत सदस्यांनी गटविकास अधिकाऱ्यांकडे आणि जिल्हा परिषद सदस्यांनी मुख्य कार्यकारी अधिकाऱ्यांकडे सादर करण्याचा हा कालावधी आहे.
या निर्णयामुळे शौचालयाचा वापर करण्याबाबतचे प्रमाणपत्र सादर करण्यास संबंधित सदस्यांना आणखी कालावधी उपलब्ध होईल. तसेच पूर्वीच्या तरतुदीनुसार जे सदस्य अपात्र ठरले होते ते सदस्य अन्य कारणास्तव अपात्र नसल्यास त्यांचे सदस्यत्व अबाधित राहील.
----0----
कोणत्याही टिप्पण्या नाहीत:
नवीन टिप्पण्या अनुमत नाहीत.